Skip to main content

ഫോണ്‍ ഫ്രിഡ്ജില്‍ ഉണ്ട് .. അതായതു ...




വാമ ബാകത്തിനു പണ്ട് മുതലേ പറയുന്ന കാര്യങ്ങള്‍ തിരിഞ്ഞു പോവുന്ന ഒരു സ്വഭാവം ഉണ്ട്, ഉദാഹരണത്തിന് 

"ഫോണ്‍ സ്റ്റാന്‍ഡില്‍ ഉണ്ട് " എന്നാണ് പറയാന്‍ ഉദേശിക്കുന്നത് എങ്കില്‍, പറയുക ചിലപ്പോള്‍ 

    "ഫോണ്‍ ഗ്യാസില്‍  ഉണ്ട്" എന്നാവും, എനിക്ക് കുറെ കാലമായി സംഗതി അറിയുന്നത് കൊണ്ട്, സാഹചര്യവും സമയവും പറഞ്ഞതിന്റെ സ്വരവും വേഗവും ഒക്കെ വച്ച് ഞാന്‍ ഊഹിക്കും.  ഇതിലെ രസകരമായ കാര്യം പുള്ളിക്കാരി കരുതുക ശരിയായി തന്നെ യാണ് പറഞ്ഞത് എന്നാണ്

 ഇത് വീട്ടില്‍ സ്ഥിരമായി നടക്കുന്ന ഒരു തമാശയുമാണ്.  ഒരു ദിവസം മൂത്ത പുത്രി വീട്ടില്‍ വന്നു പറഞ്ഞു 

"അമ്മെ നാളെ സ്കൂളില്‍ പോവുമ്പോള്‍ ഒരു ഗ്ലാസ്‌ കൊണ്ട് പോവണം, നാളെ പായസം ഉണ്ട്"

"ശരി ഞാന്‍ രാത്രി തന്നെ എടുത്തു തരാം" വാമ ഭാഗം പറഞ്ഞു

രാത്രി ഞാന്‍ ടി വി യില്‍ എന്തോ ഒരു പ്രോഗ്രാം കണ്ടു കൊണ്ടിരിക്കുമ്പോള്‍ വാമ ഭാഗം വിളിച്ചു പറയുന്നത് കേട്ടു.

"നീനു ഞാന്‍ ഗ്ലാസ്‌ ഫ്രിഡ്ജില്‍ വച്ചിടുണ്ട് "

സംഗതി ഗ്ലാസ്‌ ബാഗില്‍ വച്ചിട്ടുണ്ട് എന്നാണെന്ന് എനിക്ക് മനസിലായി, പക്ഷെ പാവം പുത്രിക്ക് മനസിലായില്ല, അത് പതുക്കെ സോഫയില്‍ നിന്നും എഴുനേറ്റു എന്നെ മിഴിച്ചു നോക്കി, എന്ത് ചെയ്യുന്നു എന്നറിയാന്‍ ഞാന്‍ മിണ്ടാതിരുന്നു, അവള്‍ പതുക്കെ അടുക്കളയില്‍ പോയി ഫ്രിട്ജു തുറന്നു അതില്‍ ഗ്ലാസ്‌ തിരയാന്‍ തുടങ്ങി 

അപ്പോഴാണ് വാമ ഭാഗം അത് വഴി വന്നത് 

"എന്റെ ഇശ്വരാ ഈ പെണ്ണിനെ കൊണ്ട് തോറ്റല്ലോ രാത്രി ആവുമ്പോള്‍ എന്തിനാ ഈ ഫ്രിഡ്ജില്‍ വന്നു തപ്പുന്നത്, തണുത്ത വെള്ളം എടുത്തു കുടിച്ചു വല്ല അസുകവും വരുത്തി വെക്കരുത്, അതോ ആ ചോക്ലേറ്റ് എടുത്തു തിന്നനാണോ ? നിന്നോട് ഞാന്‍ ആയിരം വട്ടം പറഞ്ഞിട്ടുണ്ട് വെറുതെ ഫ്രിട്ജു തുറക്കരുത് എന്ന്........."

നീനു വായും പൊളിച്ചു നോക്കി നില്പുണ്ട് 

ഞാന്‍ പതുക്കെ അടുക്കളയില്‍ ചെന്ന് പറഞ്ഞു 

"എടീ നീയല്ല പറഞ്ഞത് ഗ്ലാസ്‌ ഫ്രിഡ്ജില്‍ വച്ചിട്ടുണ്ട് എന്ന് അവളതു നോക്കിയതാ"

"ഗ്ലാസോ ഫ്രിട്ജിലോ അത് ഞാന്‍ ബാഗില്‍ വച്ചിട്ടുണ്ട് എന്നാ പറഞ്ഞത് "

ഞാനും നീനുവും തമ്മില്‍ നോക്കി ഒന്ന് ചിരിച്ചു എന്നിട്ട് ടി വി യുടെ മുന്നില്‍ വന്നിരുന്നു,  

"റിമോട്ട് എടുത്തു കാര്‍ സ്റ്റാര്‍ട്ട്‌ ചെയ്തു" 

അതായതു "റിമോട്ട് എടുത്തു ടി വി ഓണ്‍ ചെയ്തു"





Comments

  1. വാമ ബാകം സ്വന്തമായി ഒരു blog തുടങ്ങാന്‍ ഉള്ള എല്ലാ സാധ്യതകളും കാണുന്നു

    ReplyDelete
  2. Vamabhagam e post kando? Kandillenkil kaanikkanda.. Kanjikudi muttum...

    ReplyDelete

Post a Comment

Popular posts from this blog

എന്നാലും എന്‍റെ കണാരേട്ടാ

വായനശാലയുടെ കോലായില്‍ ആകാശത്തോട്ടു നോക്കി തൂണും ചാരി കണാരേട്ടന്‍ ഇരിക്കുന്നത് കണ്ടപ്പോഴേ ഒരു പന്ധി  കേട് തോനിയതാ.  ഇന്ന് വല്ലതും നടക്കും.  ഏതാണ്ട് അമ്പതു വയസിനടുത്തു പ്രായം, ഡിഗ്രി വരെ പഠിച്ചിട്ടുണ്ട്, തലയുടെ ഒരു സ്ക്രൂ എവിടെയോ നഷടപെട്ടു അതിനു ശേഷം ജോലിക്കൊന്നും പോവാറില്ല, ആര്‍ക്കും വേറെ ഒരു ഉപദ്രവവും ഇല്ല.  വീട്ടില്‍ കഴിഞ്ഞു കൂടാന്‍ അത്യാവശ്യം സ്വത്തുണ്ട് , ഇത്രയും ആയാല്‍ കണാരേട്ടന്‍ ആയി. പുള്ളിയെ കൊണ്ട് ഒരു ഉപദ്രവവും ഇല്ല എന്ന് പറയാന്‍ പറ്റില്ല ചിലതൊക്കെ ഉണ്ട്.  പുള്ളിയുടെ തലയില്‍ ഇടയ്ക്കു ഭയങ്കര ഐഡിയ ഉദിച്ചു വരും അത് മറ്റുള്ളവരോട് പറയും, പിന്നെ ചര്‍ച്ചയായി ബഹളമായി.  മിക്കവാറും അത് നടക്കുക വായനശാലയുടെ ഇറയത്തു വച്ചും.  ഇത്തരം ഐഡിയ ഉണ്ടാകുന്നതു "അന്തരീക്ഷത്തില്‍ ചെന്താമര, വേണ്ടുരുതിയില്‍ കുന്തിരിക്കം" (കഞാവ്) എഫ്ഫക്റ്റ്‌  കൊണ്ടാണെന്ന് നാട്ടില്‍ ഒരു സംസാരം ഉണ്ട്. ബെഞ്ചില്‍ ഇരുന്നു ചിത്ര ഭൂമിയില്‍ ഇറങ്ങാന്‍ പോവുന്ന സിനിമകളെ കുറിച്ച് വായിച്ചു കൊണ്ടിരുന്ന ഞാന്‍ പതുക്കെ തിരിഞ്ഞു നോക്കി, കണാരേട്ടന്‍ ഇപ്പോഴും മുകളിലേക്ക് നോക്കി ഇരിക്കുകയാണ്‌. ...

ഒരേ ഒരു പിഴ

നെറ്റിയില്‍ നിന്നും ഒലിച്ചിറങ്ങിയ ചോര എന്റെ വായില്‍ ഉപ്പു രസം സൃഷ്ടിച്ചു, തുപ്പലും വിയര്‍പ്പും കൂടി ചേര്‍ന്ന ചവര്‍പ്പ് കലര്‍ന്ന ഉപ്പു രസം ഞാന്‍ തുപ്പി കളയാന്‍ ശ്രമിച്ചു.  തോളിലെ ഒരു എല്ല് പൊട്ടിയിട്ടുണ്ട്, ഒരു കാലിന്റെ തുടയെല്ല് ചതഞ്ഞിട്ടുണ്ട്, നട്ടെല്ലില്‍ കൂടി ഒരു തരിപ്പ് മുകളിലേക്ക് പാഞ്ഞു പോയി.  ഒരു മരത്തില്‍ ചാരി ഞാന്‍ ഇരിക്കുകയാണ്, ശരിരം ഒരിഞ്ചു പോലും അനക്കാന്‍ വയ്യാ. കൂട്ടിനു സാമിന്റെ ചേതനയറ്റ ശരിരം മാത്രം മൂന്ന് മാസം മുന്‍പ് ഒരു ശനിയാഴ്ച വയ്കുന്നേരം ആണ് സാം അവന്റെ പദ്ധതി എന്നോട് പറഞ്ഞത്.  ഒരു ബീറിനും രണ്ടു പെഗിനും ശേഷം, തലയ്ക്കു മുകളില്‍ കറങ്ങുന്ന ഫാനിന്റെ കാറ്റില്‍ മനസ് പതുക്കെ ആടി കൊണ്ടിരിക്കുകയായിരുന്നു.  സാം എന്തൊക്കെയോ പറഞ്ഞു കൊണ്ടിരുന്നു  പക്ഷെ ഞാന്‍ അതൊന്നും ശ്രദ്ധിച്ചില്ല, അടുത്ത ടാബിളില്‍ ഇരുന്നു കുടിച്ചു കൊണ്ടിരുന്ന ഒരു അറുപതു വയസുകരനെയാണ് ഞാന്‍ നോക്കിയിരുന്നത്. "ഡാ നീ അപ്പോള്‍ എന്ത് പറയുന്നു?" എന്ന ചോദ്യത്തോട് കൂടി സാം എന്റെ കാലില്‍ തട്ടി. "എന്തിനെ കുറിച്ച്?" ഞാന്‍ ചോദിച്ചു "അപ്പോള്‍ നീ ഒന്നും കേട്ടില്ലേ?, ഡാ കാശു അടിച്ചു മാറ്റുന്നത...

രാമാനന്ദ സാഗര്‍ Vs മണി രത്നം

പടം കണ്ടു തിയറ്ററില്‍ നിന്നും പുറത്തിറങ്ങിയപ്പോള്‍ അരവി ചോദിച്ചു "അല്ല ഭായി ഇതിപ്പോ നല്ല പടമോ അതോ തല്ലിപൊളി പടമോ, എനിക്ക് ശരിക്കും അങ്ങ് സുകിച്ചില്ല" ഇതില്‍ കൂടുതല്‍  ഞാന്‍ എന്ത് പറയാനാ, അല്ല ഇനി ഞാന്‍ വല്ലതും പറഞ്ഞാല്‍ നാടുകാര്‍ എന്നെ തല്ലാന്‍ വരുമോ ആവൊ? ആശയാണ് എല്ലാ നിരാശക്കും കാരണം എന്നാണ് പറയുന്നത് അത് തന്നെയാണ് "രാവണന്റെ" കാര്യത്തിലും സംഭവിച്ചത്.  ഒരുപാട് പ്രദീക്ഷിച്ചു അതാ പറ്റിയത്.  ഒരു മണിരത്നം സിനിമ എന്ന് പറയുമ്പോള്‍ സ്വാഭാവികമായി ഞാന്‍ കുറച്ചു കാര്യങ്ങള്‍ പ്രദീക്ഷികും 1 . നല്ല ഒരു കഥ 2 . നല്ല കഥാപാത്രങ്ങള്‍ 3 . നല്ല തിരക്കഥ (നല്ല കഥാ) 4 . മികച്ച അഭിനയം 5 . നല്ല ഗാനങ്ങള്‍ 6 . നല്ല ക്യാമറ 7 . എല്ലാത്തിലും ഉപരി പുതിയതായി എന്തെങ്കിലും (തന്റെ ആദ്യ ചിത്രമായ "പല്ലവി അനു പല്ലവി" മുതല്‍ "രാവണന്റെ" തൊട്ടു മുന്‍പുള്ള "ഗുരു" വരെ ഈ പ്രതേകതകള്‍ ഉണ്ടായിരുന്നു.(ദില്‍ സെ, ഞാന്‍ മണി രത്നത്തിന്റെ സിനിമ ആണെന്ന് കരുതുന്നില്ല, അത്ര തല്ലി പൊളി ആയിരുന്നു അത് ) മുകളില്‍ പറഞ്ഞ കാര്യങ്ങളില്‍ നല്ല ഗാനങ്ങള്‍ , നല്ല ക്യാമറ ഇവ രാവണനില്‍ ഉണ...