ഋതു - ഭേദങ്ങള്‍ ഇല്ലാതെ

Seasons change do we?. എന്ന തല വാചകത്തോടെ ഇറങ്ങിയ ഋതു ഇന്നലെ പോയി കണ്ടു. ഞാന്‍ ശ്യാമ പ്രസാദിന്റെ ഒരു ആരാധകന്‍ ഒന്നും അല്ല, പുള്ളിയുടെ ഒരേ ഒരു സിനിമ മാത്രമെ ഞാന്‍ ഇതിന് മുന്പ് കണ്ടിട്ടുള്ളു. "ഒരേ കടല്‍", അത് എനിക്ക് ഇഷട്ടപെട്ടിരുന്നു, പിന്നെ "അകലെ" എന്ന സിനിമയിലെ ഗാനങ്ങളും.

ഐ ടി യില്‍ ജോലി ചെയ്യുന്ന മൂന്ന് കൂടുകാരുടെയും അവരുടെ സുഹ്രത്ത്‌ ബന്ധത്തിന്റെയും കഥ പറയുന്ന സിനിമയാണിത്. ഒരു പക്ഷെ ഇതു തന്നെയായിരിക്കണം എന്നെ ഇതിലേക്ക് കൊണ്ടുപോയത്. നല്ല കെട്ടുറപ്പുള്ള തിരക്കഥ, നല്ല ഗാനങ്ങള്‍, നല്ല ക്യാമറ. അഭിനേതാക്കള്‍ മിക്കവാറും എല്ലാം പുതുമുഖങ്ങള്‍, അത് കാരണം ചില രംഗങ്ങളില്‍ ചിലര്‍ അല്പം ഓവര്‍ ആവുന്നതായി തോന്നി.

പതിനേഴു വര്‍ഷത്തെ സുഹൃത്തുക്കള്‍ ആയ, വര്‍ഷയും, ശരത്തും, സണ്ണിയും മൂന്ന് വര്‍ഷത്തിനു ശേഷം, വീണ്ടും ഒരേ കമ്പനിയില്‍ ഒത്തു ചേരുന്നു. അമേരിക്കയില്‍ ആയിരുന്ന ശരത്തിന്റെ ആഗ്രഹപ്രകാരം ആണ് അവര്‍ ഇവിടെ എത്തുന്നത്‌. തന്റെയും കൂട്ടുകാരുടെയും ഭാല്യ കാല ആഗ്രഹങ്ങള്‍ പൂര്‍ത്തിയാക്കുക എന്ന ഒരു ഉദേശം കൂടി ശരതിനുടായിരുന്നു, പക്ഷെ കാര്യങ്ങള്‍ ഒന്നും പ്രദീക്ഷിച്ചപോലെ നടക്കുന്നില്ല. തന്റെ സുഹൃത്തുക്കള്‍ കാലത്തിനനുസരിച്ച് മാറിയിരിക്കുന്നു എന്ന് ശരത് മനസിലാക്കുന്നു, താന്‍ സ്നേഹിച്ച സുഹൃത്തുക്കള്‍ അല്ല ഇവര്‍ എന്ന് അവന്‍ മനസിലാക്കുന്നു.

എന്നും ഒരു എഴുത്ത് കാരന്‍ ആകാന്‍ ആഗ്രഹിച്ച ശരത് തന്റെ ആഗ്രഹം പൂര്തിയക്കുന്നിടത് സിനിമ കഴിയുന്നു.

സിനിമയില്‍ എനിക്ക് ദഹിക്കാത്ത ഒരു കാര്യം ഐ ടി യിലെ ആളുകളുടെ ജീവിധ രീധിയാണ്, കണ്ടാല്‍ അവര്‍ മുഴുവന്‍ സമയവും കള്ളു കുടിയും പെണ്ണ് പിടിയും ആണെന്ന് തോന്നും, പിന്നെ കമ്പനിയുടെ ഉടമയായി വരുന്ന സ്ത്രി, ഒരു പൊടിക്ക് വട്ടുണ്ടോ എന്ന് തോന്നും അവരുടെ സംസാരം അസഹാനിയമായി തോന്നി.

നന്നായ ചില കഥാപാത്രങ്ങള്‍, ശരത്തിന്റെ ചേട്ടന്‍, അച്ഛന്‍ പിന്നെ കമ്പനി ഉടമയുടെ ഭര്ത്താവ്.

Seasons changes do we? -- yes we do...