രാഷ്ട്ര പുനര്‍ നിര്‍മാണത്തിന് നമ്മുടെ സംഭാവന

കൊച്ചിയില്‍ ജോയിന്‍ ചെയ്തിട്ട് രണ്ടു വര്‍ഷം കഴിഞ്ഞ. ഒരു വെള്ളിയാഴ്ച്ച വയ്കുന്നേരം, അപ്പ്രൈസല്‍ റിസള്‍ട്ട്‌ വന്നു. ഭക്ഷണം കഴിഞ്ഞു തിരിച്ചു വീട്ടില്‍ എത്തി. അഭീഷും പ്രദീപും നാട്ടില്‍ പോയി. വീട്ടില്‍ ഞാനും മിഥുനും വിജയും മാത്രം. രണ്ടു പേരും സന്തോഷത്തിലാണ് തെറ്റില്ലാത്ത അപ്പ്രൈസല്‍ കിട്ടിയിട്ടുണ്ട്. ഞാനും സന്തോഷിക്കെണ്ടാതാണ് പക്ഷെ ഞാന്‍ സന്തോഷിച്ചില്ല. താടിക്ക് കയ്യും കൊടുത്തുള്ള എന്‍റെ ഇരിപ്പ് കണ്ട വിജയ്‌ ചോദിച്ചു.

"ഡാ നീ എന്താ ഇങ്ങനെ ഇരിക്കുന്നെ, കൂട്ടത്തില്‍ നിനക്കു തെറ്റില്ലാത്ത അപ്പ്രൈസല്‍ കിട്ടിയല്ലോ?"

"അപ്പ്രൈസല്‍ കിട്ടി പക്ഷെ ഒരു പ്രശ്നം, കഴിഞ്ഞ ആറു മാസമായി ഞാന്‍ tax ഒന്നും അടച്ചിട്ടില്ല, ഇന്നാണ് സജി പറഞ്ഞതു, അടുത്ത ആറു മാസം എല്ലാ മാസവും ഒരു തുക tax ആയി പിടിക്കും എന്ന്" ഇത്രയും പറഞ്ഞു ഞാന്‍ വീണ്ടും താടിക്ക് കയ്യും കൊടുത്ത് ഇരുന്നു.

"നിനക്കു അപ്പ്രൈസല്‍ എത്ര കിട്ടി?"

"രണ്ടായിരം രൂപ"

"Tax എത്ര കൊടുക്കണം?"

"രണ്ടായിരത്തി മുനൂരു രൂപ"

വിജയ്‌ ഒരു ചെറിയ പുഞ്ചിരിയോടെ കസേരയില്‍ പോയിരുന്നു.

ഞങളുടെ ഇത്രയും നേരത്തെ സംഭാഷണം കേട്ടു മിഥുന്‍ പതുക്കെ തിരിഞ്ഞു നോക്കി. ടി വി യില്‍ ചാനല്‍ മാറുന്നത് നിര്ത്തി പതുക്കെ എഴുന്നേറ്റു.

"നിനക്കു കിട്ടുന്ന ഇന്കമിന്റെ ഒരു പങ്കു രാജ്യത്തിന് കൊടുക്കണം, ആ തുകയാണ് രാഷ്ട്ര പുനര്‍ നിര്‍മാണത്തിന് ഉപയോഗിക്കുന്നത്"

ഒരു നിമിഷം എനിക്കും വിജയ്ക്കും മിഥുന്‍ പറഞ്ഞതു മനസിലായില്ല, എന്ത് പറ്റി ഇവന് തലയുടെ സ്ക്രൂ വല്ലതും പോയോ.

"വെല്‍ മിസ്റ്റര്‍ പുനര്‍നിര്‍മാണം താങ്കള്‍ എത്ര രൂപ Tax കൊടുക്കുന്നു?" വിജയ്‌ ചിരിച്ചു കൊണ്ടു ചോദിച്ചു.

" എനിക്ക് Tax ഇല്ല ഞാന്‍ education ലോണ്‍ പേ ചെയ്യുന്നു അത് one lac exceptionil വരും" ഇത്രയും പറഞ്ഞു മിഥുന്‍ കുളിക്കാന്‍ പോയി.

പതിവു പോലെ വിജയ്‌ ഇരുന്നു ചിരിക്കാന്‍ തുടങ്ങി.

പിന്നീട് ഒരു വര്‍ഷം കടന്നു പോയി, ഒരു തവണ പണി കിട്ടിയതോടെ ഞാന്‍ tax കൂടുതല്‍ ശ്രദ്ധിക്കാന്‍ തുടങ്ങി, വീണ്ടും ഒരു അപ്പ്രൈസല്‍ കഴിഞ്ഞു, വയ്കീട്ടു വീട്ടില്‍ എത്തിയപ്പോള്‍ മിഥുന്‍ താടിക്ക് കയ്യും കൊടുത്ത് ഇരിക്കുന്നു.

"എന്ത് പറ്റിയെടാ?"

"ഓഹ് എന്തൊരു tax"

"അതിന് നിനക്കു tax ഇല്ലല്ലോ, നിന്റെ education ലോണ്‍ ഇല്ലേ?"

"ഇല്ല അത് കഴിഞ്ഞ വര്‍ഷം കഴിഞ്ഞു" മിഥുന്‍ പതുക്കെ പറഞ്ഞു.

കുളിക്കാന്‍ പതുക്കെ നടക്കുന്നതിനിടയില്‍ ഞാന്‍ പറഞ്ഞു "രാഷ്ട്ര പുനര്നിര്മാനതിനു ............ "

എന്‍റെ കമന്റ്‌ കേട്ടു മിഥുന്‍ ചിരിക്കാന്‍ തുടങ്ങി.